Maştağa qəsəbəsi, Xanlar yaşayış massivində Abşeron küçəsi ilə Əli Nəzmi küçəsinin kəsişməsində işıqfor quraşdırılıb. Bu haqda bu gün, 19 yanvar tarixində Bakuplus.az AzTV-yə istinadən məlumat verir.
Sakinlərin bildirdiyi kimi, dəfələrlə qəzalara şahidlik etdikləri və heç vaxt təhlükəsizlik tədbirlərinin görülmədiyi bu yolda şikayətlərdən sonra işıqfor quraşdırılıb və piyada zolağı çəkilib.
107 və 131 nömrəli avtobuslar işıqfor olmadığı üçün buradan keçərkən dayanmayıb. İndi isə avtobuslar burada rahat dayanır və sərnişinlər ictimai nəqliyyatdan istifadə edə bilirlər.
