Bakıda məşhur şadlıq evinin hasarı sökülüb. Bu haqda 20 iyun tarixində APA məlumat verib.
Nizami rayonu, M.Abbasov küçəsi, 24 ünvanında yerləşən “Madonna” şadlıq sarayı bilavasitə ərazisində yerləşən yüksək gərginlikli hava elektrik xəttinin dirəyini qanunsuz olaraq hasara alıb. Bununla da yanğın təhlükəsizliyi sahəsində ciddi qayda pozuntusunun mövcudluğu yaranıb. Hadisə yerinə Dövlət Yanğın Nəzarəti Xidmətinin əməkdaşları cəlb olunublar.
Hasar onlar tərəfindən dərhal sökülüb, nəticədə təhlükənin aradan qaldırılması təmin olunub.
