"Mahir Ay Brat" ləqəbli meyxanaçı məhkəmədə etiraf edib. Bu haqda bu gün, 12 dekabr tarixində Bakuplus.az Report-a istinadən xəbər verir.
Bakı Ağır Cinayətlər Məhkəməsində hakim Səbuhi Hüseynovun sədrliyi ilə baş tutan iclasda Mahir Qonşuyev məhkəmə prosesi zamanı əvvəllər narkotik istifadə etdiyini etiraf edib. O, özünü təqsirli bilməyib.
“Əvvəllər narkotikdən istifadə etmişəm, lakin həbs olunandan sonra bu pis vərdişlərdən uzaq durmuşam. Həbs olunmamışdan qabaq məni bir neçə dəfə polis idarəsinə dəvət edib, profilaktik söhbətlər aparıblar. Məndən kriminal və pis vərdişlərə səsləyən mahnı və meyxanaları oxumamağım tələb olunmuşdu”, – deyə meyxanaçı bildirib.
Məhkəmənin növbəti iclası 9 yanvar tarixinə təyin edilib.
M.Qonşuyev 12 iyun tarixində saxlanılmışdı.
