Əhmədli metrostansiyasının qarşısında manatlıq deyilən taksilər dayanacağa daxil olub sərnişin düşürüb-mindirirlər. Bu da istər avtobus sürücüləri üçün, istərsə də sərnişinlər üçün problem yaradır.
Avtobus sürücüləri bildirdilər ki, xüsusilə sübh tezdən və günün pik saatlarında taksi sürücülərinə görə avtobus dayanacağına girmək çətin olur.
Onlar deyirlər, cərimələr yazılanda taksilər burda saxlamır, amma bir müddət sonra eyni vəziyyət davam edir.
Sərnişinlər də belə halın onlara narahatlıq yaratdığını bildirdilər.
Məsələ ilə bağlı Bakı Şəhər Dövlət Yol polisi İdarəsindən “Xəzər Xəbər”ə bildirilib ki, İnzibati Xətalar Məcəlləsinin 346.8-ci maddəsinə əsasən, ümumi istifadədə olan nəqliyyat vasitələrinin zolağında dayanmağa, durmağa görə 2 bal və 100 manat məbləğində cərimə tətbiq olunur.
Ətraflı “Xezerxeber”in süjetində:
