Bakıdakı “Medera” hospitalında çalışan həkim Nərmin Məmmədovanın qızılcaya qarşı peyvəndi uşağın qoluna yox, oturacağa vuraraq boşaltdığı baradə iddialar bu gün, 23 yanvar tarixində sosial şəbəkələrdə yayılıb. Bu haqda Bakuplus.az Qafqazinfo-ya istinadən məlumat verir.
Valideynlərin sözlərinə görə, iki uşağın peyvəndlənməsi və həkim müayinəsi üçün 410 manat ödənilib.
Hadisənin “Medera Hospital”da baş verdiyini bildirən valideynin sözlərinə görə, klinikanın rəhbərliyi ilə görüşən zaman hadisədən xəbərsiz olduqları və məsuliyyət daşımadıqları bildirilib. Onlar Nərmin xanımın artıq işdən uzaqlaşdırıldığnı bildiriblər.
“Əgər iynəni vurmuşdunuzsa, niyə sizi işdən uzaqlaşdırblar?” sualına isə həkim belə cavab verib: “Məndən klinika rəhbərliyi qızılca vaksinini təşkil etməyimi istəmişdi. Tapa bilmədiyim üçün məni işimdən uzaqlaşdırdılar”. Daha əvvəl bizə “növbədə adam çoxdur” deyirdi. Lakin bu söhbətdə bildirdi ki, peyvənd onda cəmi 8 ədəd olub. Deməli, o 8 dənədən başqa heç bir iynə vurulmayıb.
Bu videonu ictimailəşdirməkdə məqsədim budur ki, digər valideynlər də ayıq olsunlar. Belə həkimlərin lazımi cəza almasını və həkimlik lisenziyasının ləğv edilməsini istəyirəm. Bu həkimin bu ilüziyanı daha neçə uşağa qarşı etdiyi bəlli deyil. Videonu bu qədər gec yayımlamağımıza səbəb isə ekspertiza rəyinin gəlməsini gözləməyimiz idi. Lakin analizin cavabının heç bir əsası yoxdur. Biz mütəxəssislərlə maraqlandıq və onlar bildirdilər ki, antikor insandan insana dəyişir. Yəni iynə vurulduqdan sonra antikor (anticisimlər) yarana da bilər, yaranmaya da bilər. Düzdür, bu analizin cavabında yaranmamış kimi görünür. Lakin video olmasaydı, bunun bir əsası da olmazdı”, – deyə valideyn bildirib.
Məsələ ilə bağlı xəstəxanaya göndərilmiş sorğuya cavab olaraq isə bildirildi ki, həmin həkim klinikada çalışmır.
[video width="720" height="1280" mp4="https://bakuplus.az/storage/photos/2024/01/img_64891.mp4"][/video]
