Dünən əfsanəvi mərhum aktyor və müğənni Vaxtanq Kikabidzenin anım günü idi. Sənətklar sağlığında hər zaman Bakının necə dost şəhər olduğunu dilə gətirirdi. Müsahibələrinin birində də Bakı ilə bağlı yadda qalan və maraqlı bir xatirəsini bölüşmüşdü.
Bakuplus.az həmin kiçik, amma maraqlı hekayəni sizlərlə bölüşür.
Bir dəfə mərhum aktyorun yolu Moskvadan Tbilisiyə çarter reysi ilə uçarkən Bakıya düşüb:
"Mən Moskvadan Tbilisiyə çarter reysi ilə uçurdum, bir dostumun ad gününə çatmalı idim. Mənimlə birlikdə həkim Leo Bokeriya da uçurdu, ümumilikdə təyyarədə səkkizdən çox ciddi adam var idi. O vaxt Moskvadan Tbilisiyə birbaşa reys yox idi. Gərək Bakıya enib, sonra isə Tbilisiyə uçaydıq. Təyyarənin pilotları fransız, stüardessa isə rus idi.
Qısası, uçuruq, amma hiss edirik ki, vaxtında çata bilməyəcəyik. Çünki Bakıya enmək, gözləmək və bir saat sonra yenidən uçmaq lazım idi. Mən zarafatla stüardessaya dedim ki, pilotlar aeroportla əlaqə saxlayıb desinlər ki, "Mimino gecikir", bəlkə enmədən buraxarlar. Axı birdən alınar, nə də olsa, Azərbaycan bizə dostdur".
Bu zaman stüardessa aeroportla əlaqə saxlayıb və cavab hər kəsi təəccübləndirib.
Vaxtanq Kikabidze bildirib ki, bir neçə dəqiqə sonra stüardessa geri qayıdıb və təəccüblə deyib:
"Pilotlar "Mimino gecikir" deyən kimi aeroportdan cavab verdilər ki, buraxın, uçsunlar".
Aktyorun sözlərinə görə, stüardessa özü də şokda olub. Çünki təyyarə ilə uçan heç kəsin başına belə bir şey gəlməmişdi. O qeyd edib ki, bu, çox nadir hadisə idi.
Qeyd edək ki, Vaxtanq Kikabidze 15 yanvar 2023-cü ildə 84 yaşında vəfat edib.
