Aktrisa Pərvin Abıyeva və müğənni Nadir Qafarzadə Bakıdakı tıxaclardan şikayətlənib.
Bakuplus.az xəbər verir ki, onlar bu barədə "Aramızda qalsın" verilişində danışıblar.
"Mən üsyan etmək dərəcəsindəyəm. Həftənin 7 günü, 24 saat tıxac dayanmır. Ağlamaq dərəcəsindəyəm. Əlim-ayağım əsir", - deyə aktrisa bildirib.
Ona dəstək olan ifaçı Nadir Qafarzadə isə aidiyyəti qurumlara müraciət edib:
"Aidiyyəti orqanlar məsələni həll etsinlər. Bir çox ölkələri gəzmişəm. Bakı və İstanbul dünyada ən çox tıxac olan şəhərlərdəndir. İstanbulu başa düşdüm, amma Bakı... Küçələr dar, avtobus, velosiped xətləri".
Daha sonra Pərvin Abıyeva zarafatyana bildirib ki, şəhərdə maşınlar çoxdur və buna görə kredit şərtləri çətinləşdirilməlidir.
