Bayramla əlaqədar metroda şənlik proqramı təşkil olunacaq. Bu haqda bu gün, 27 dekabr tarixində Bakuplus.az Metropolitenə istinadən xəbər verir.
29-30 dekabr tarixlərində saat 11:30-dan etibarən “İçərişəhər” stansiyasında Şaxta baba Qar qızla sərnişinlərin görüşünə gələcək. 2 saat davam edəcək şənlikdə müxtəlif nağıl personajları və sirk ustaları da iştirak edəcəklər.
30-31 dekabr tarixlərində 4 stansiyada konsert proqramları təşkil olunacaq. Tədbir “İçərişəhər” stansiyasında saat 10:30-da başlayacaq. Daha sonra “Sahil”, “28 May”, “Elmlər Akademiyası” stansiyalarında davam etdiriləcək. Hər stansiyada konsert 45 dəqiqə olacaq.
Bundan əlavə, “İçərişəhər” stansiyasında retro qatarlar nümayiş olunacaq və Bəhram Bağırzadə uşaqlar üçün qələmə aldığı kitablarının imza gününü keçirəcək.
[caption id="attachment_124654" align="alignnone" width="640"]
Foto Report.az[/caption]
