Parisdə, Fransa Milli Assambleyasının yaxınlığında Azərbaycan əleyhinə qətnaməyə etiraz olaraq, aksiya keçirilir. Bu haqda bu gün, 28 noyabr tarixində Report məlumat verib.
Aksiya Azərbaycan diasporu tərəfindən təşkil olunub. Mitinqdə Avropada yaşayan azərbaycanlılar iştirak edirlər.
Aksiyanın iştirakçıları Azərbaycan əleyhinə olan qətnamənin ədalətsiz və qərəzli olduğunu bildiriblər. Etirazçılar “Ədalət tələb edirik!”, “Terrorizmə YOX deyirik!”, “Milli Assambleya ədalətli olmalıdır!”, “Cənubi Qafqazda sülhün bərqərar olması üçün Fransa neytral olmalıdır!” və digər şüarlar səslənir.
İştirakçılar Ermənistan silahlı qüvvələrinin azərbaycanlılara qarşı törətdiyi qətliamları, Xocalı soyqırımını əks etdirən fotoşəkilləri, o cümlədən amansızlıqla qətlə yetirilən dinc azərbaycanlı qadın və uşaqların fotoşəkillərini nümayiş etdirirlər.
Noyabrın 28-də Fransa Milli Assambleyası Azərbaycana qarşı bədnam qətnaməni müzakirəyə çıxaracaq. Daha öncə qətnamə Fransa Senatı tərəfindən qəbul olunub.
[caption id="attachment_80901" align="alignnone" width="640"]
Foto Report.az saytı[/caption]
