Azərbaycan Milli Elmlər Akademiyasında struktur dəyişikliyi baş verib. Bu haqda bu gün, 15 fevral tarixində Bakuplus.az Report-a istinadən xəbər verir.
Akademiyanın Nizami Gəncəvi adına Ədəbiyyat İnstitutunun Erkən yeni dövr Azərbaycan ədəbiyyatı şöbəsi ləğv olunub. Onun bazasında Erkən realizm və yeni dövr Azərbaycan ədəbiyyatı şöbəsinin yaradılması haqqında qərar qəbul edilib.
Həmçinin Məhəmməd Füzuli adına Əlyazmalar İnstitutunun Kitabxana, eləcə də elmi informasiya və Biblioqrafiyaşünaslıq şöbələrinin bazasında Kitabxana və biblioqrafiyaşünaslıq şöbəsi yaradılıb.
Şərq ölkələri türkdilli əlyazmaların tədqiqi şöbəsi isə Türkdilli əlyazmaların tədqiqi şöbəsi adlandırılıb.
