Bakı şəhəri, Suraxanı rayonu, Əmircan qəsəbəsi, Mirmehdi Seyidzadə küçəsinin sakinləri yolun şəraitsizliyindən narazıdırlar.
Bu barədə sakinlər Oxu.az-a ünvanladıqları şikayətdə qeyd ediblər.
Məsələ ilə bağlı Suraxanı Rayon İcra Hakimiyyətindən bildirilib ki, rayon ərazisində asfaltlanmasına ehtiyacı olan bütün küçələrin təmir olunması ilə bağlı Azərbaycan Avtomobil Yolları Dövlət Agentliyinə (AAYDA) ötən ay rəsmi məktub ünvanlanıb.
AAYDA-nın İctimaiyyətlə əlaqələr şöbəsinin rəisi Anar Nəcəfli sorğumuza cavab olaraq bildirib ki, qəsəbədaxili küçə və yolların təmiri agentlik tərəfindən yalnız investisiya proqramları çərçivəsində öz həllini tapır: “Bununla bağlı yerli icra hakimiyyəti tərəfindən müraciət olunubsa, təklif olaraq verilibsə, növbəti investisiya proqramına daxil ediləcəyi təqdirdə tərəfimizdən həmin ərazilərdə təmir işləri aparıla bilər".
Sözügedən ərazidən görüntüləri təqdim edirik:
