Bakıda ağacları qanunsuz kəsən tikinti şirkəti 35 min manat cərimə olunub. Bu haqda məlumat bu gün, 14 iyun tarixində Azərbaycan Baş Prokurorluğundan verilib.
Aparılan araşdırmalar zamanı müəyyən edilib ki, “Sizin Yurd” MMC tikinti işləri apararkən Nərimanov rayonu, Ceyhun Hacıbəyli küçəsində irigövdəli ağacları qanunsuz kəsib. “Yaşıllıq sahələrində tikinti və abadlaşdırma işləri aparılarkən ağacın qanunsuz kəsilməsi” maddəsi ilə inzibati xəta haqqında iş rayon məhkəməsinə göndərilib.
Şirkətin direktoru Xəlil Əsgərov barəsində başlanmış inzibati iş isə Ekologiya və Təbii Sərvətlər Nazirliyinə göndərilib.
Nəticədə “Sizin Yurd” MMC 35.000 manat, Əsgərov isə 5000 manat məbləğində cərimə olunub.
