Nərimanov rayonunun yollarında təmir işləri davam edir. Bununla əlaqədar bəzi küçələr tam bağlanıb, nəqliyyatın hərəkəti məhdudlaşdırılıb. Bu haqda Bakuplus.az-a məlumat bu gün, 1 dekabr tarixində daxil olub.
Belə ki, Ağa Neymətulla küçəsinin “Montin” adlanan ərazi istiqamətində, eləcə də tuneldə, avtomobil yolu bağlanıb. Həmçinin, Ağa Neymətulla küçəsi ilə Nazim Hacıyev küçəsini ilə kəsişməsi hər iki istiqamətdə bağlıdır.
Nəticədə, “Montin” adlanan ərazidən Nərimanov və Gənclik metrosu istiqamətində olan yollarda tıxac müşahidə olunur.
Təmir işləri ilə əlaqədar 30 noyabrdan Nərimanov rayonu, Ağa Neymətulla küçəsində aparılan təmir işləri ilə əlaqədar 2, 4, 5, 17, 24, 26, 38, 67, 202 və M8 nömrəli marşrutların hərəkət sxemlərində müvəqqəti dəyişiklik edilmişdir. Dəyişikliyə əsasən, avtobuslar müvəqqəti olaraq Faiq Yusifov, Əliyar Əliyev, Əhməd Rəcəbli, Gülarə Qədirbəyova küçələri ilə hərəkət edəcəklər.
[URIS id=17464]
