Paytaxtın Nərimanov rayonu, Müzəffər Nərimanov küçəsində yenidənqurma işləri davam edir. Bu haqda bu gün, 2 sentyabr tarixində Bakuplus.az Avtomobil Yolları Dövlət Agentliyinə istinadən xəbər verir.
Uzunluğu 1830, ortalama eni isə 17,5 m olan küçədə köhnə asfalt örtüyü qaşınaraq, yenisi ilə əvəzlənib, 6983 kv.m ərazidə piyada səkisi bərpa olunub, eləcə də küçəboyu yağış barmaqlıqları quraşdırılıb. Ümumilikdə 33.222 kv.m ərazi əsaslı təmir olunub.
Hazırda küçəyə yol nişanları quraşdırılır, üfüqi nişanlanma xətləri çəkilir.
Cari il ərzində Nərimanov rayonu ərazisində ümumilikdə 7,6 km uzunluğu olan küçələr təmir olunub. Hazırda Əliəşrəf Əlizadə küçəsində də yenidəqurma işləri aparılır.
[caption id="attachment_67657" align="alignnone" width="986"] Foto AAYDA-nın rəsmi saytı[/caption]
