Nərimanov rayonu, Ağa Nemətulla küçəsində dayanacaqlardan biri piyada səkisinin düz ortasında quraşdırılıb. Bu haqda bu gün, 29 oktyabr tarixində Bakuplus.az Xəzər Xəbər-ə istinadən məlumat verir.
Küçədə olan dayanacaqlardan birinin bu formada quraşdırılması piyadalara çətinlik yaradır. Piyadalar tezliklə bu dayanacağın yerinin dəyişdirilməsini istəyirlər.
Məsələ ilə bağlı Bakı Nəqliyyat Agentliyindən bildirilib ki, dayanacaq agentlik yaranmazdan əvvəl yaradılıb. Bununla belə, problem nəzarət altındadır. Paytaxtda bu vəziyyətdə olan bir neçə dayanacaq artıq köçürülüb. Yaxın günlərdə bu dayanacaq da uyğun yerə köçürüləcək.
