Bakıda 2040-cı ilə qədər təxminən 142,82 min əlavə mənzilə tələbat yaranacaq. Bu, Bakının 2040-cı ilədək inkişafına dair Baş planında qeyd olunub. Bu haqda bu gün, 8 yanvar tarixində Bakuplus.az məlumat verir.
Mənzil tələbatının ödənilməsi üçün Bakıda inşa olunacaq bina və evlər üçün təqribən 9000 ha sahə nəzərdə tutulub.
“Bu, 2027-ci ilədək yaranacaq 49,97 min mənzilə və 2040-cı ilədək yaranacaq 92,85 min mənzilə bərabər tələbatın ödənilməsi üçün kifayət edəcək”, – Baş Planda qeyd edilir.
Yeni yaşayış massivləri Ələt qəsəbəsinin cənubi hissəsi, Mərdəkanın qərbindəki yeni Qala məhəlləsi, Zığ və Böyükşor göllərinin ərazilərində yarana bilər.
Baş planda qeyd olunan dəyişikliklərin biri də adambaşına düşən ümumi mənzil sahəsinin 20,8 kv.m-dən 25 kv.m-ə qədər artırıldığı də qeyd edilib.
Paytaxtımızın yeni Baş Planı barədə ətraflı məlumatı Dövlət Şəhərsalma və Arxitektura Komitəsinin saytında izləmək mümkündür.
