Bloger “Nikosayağı” barəsində araşdırmalar yekunlaşıb. Bu haqda bu gün, 9 yanvar tarixində Bakuplus.az Report-a istinadən xəbər verir.
Nicat Şakirlinin cinayət işi üzrə ibtidai istintaq tamamlanıb. Toplanmış sənədlər Bakı Ağır Cinayətlər Məhkəməsinə göndərilib. Tanınmış blogerə qarşı “Yol hərəkəti və ya nəqliyyat vasitələrinin istismarı qaydalarını sərxoş halda və ya nəqliyyat vasitələrini idarə etmək hüququ olmayan şəxs tərəfindən pozma, eyni əməllər ehtiyatsızlıqdan zərərçəkmiş şəxsin ölümünə səbəb olduqda” maddəsi ilə ittiham irəli sürülüb.
Məlumata görə, Nicat Şakirli 5 ildən 8 ilə qədər azadlıqdan məhrum edilə bilər. Cinayət işini hakim Samir Əliyev araşdıracaq.
Ötən ilin avqust ayında bloger Nicat Şakirli ağır qəza törədib. Nəticədə 1 nəfər ölüb, blogerin isə qolu amputasiya olunub.
