Paytaxtın Nizami rayonu, Bəhruz Nuriyev küçəsi 10a, 12, 14, 16 ünvanlarını əhatə edən həyət əsaslı təmir olunub. Bu haqda bu gün, 5 iyul tarixində Bakuplus.az “Report”-a istinadən xəbər verir.
“Bizim həyət” layihəsi çərçivəsində 1000 nəfərdən çox sakinin yaşadığı əraziyə sağlamlıq imkanları məhdud insanların hərəkəti və istirahəti üçün şərait yaradılıb.
Məhəlləyə süni örtüklü mini-futbol stadionu, şahmat meydançası, idman qurğuları və uşaq meydançaları salınıb, eləcə də 9 söhbətgah quraşdırılıb, tullantılar üçün qutular, quş yuvaları və pişik evləri qoyulub.
Həyətə işıqlandırma dirəkləri və müşahidə kameraları quraşdırılıb, elektrik sistemi, qaz, su və istilik xətləri yenidən qurulub.
Bundan əlavə, 4000 kvadratmetr ərazidə yaşıllıq zolağı salınıb, 230 ədəd müxtəlif cinsli ağac və minlərlə kollar əkilib.
[caption id="attachment_51218" align="alignnone" width="800"]
Foto Report.az saytı[/caption]
