Bakıda daha bir həyət abadlaşdırılıb. Bu haqda bu gün, 23 noyabr tarixində İDEA İctimai Birliyinin mətbuat xidməti məlumat verib.
Layihə İDEA İctimai Birliyinin təsisçisi və rəhbəri Leyla Əliyevanın təşəbbüsü ilə həyata keçirilib.
Bəhruz Nuriyev küçəsi, 120/116 və Qara Qarayev prospekti, 118 və 120 ünvanlarında yerləşən təmirli həyət 650 nəfər əhalinin yaşadığı çoxmərtəbəli binaları əhatə edir.
Həyətdə uşaq, idman və futbol meydançaları yaradılıb. Ərazidə 7 söhbətgah, zibil qutuları, quş yuvaları və pişik evləri quraşdırılıb.
Sakinlərin istəkləri nəzərə alınaraq həyətdə yeni işıq dirəkləri, videomüşahidə kameraları quraşdırılıb, fasad və tikinti blokları tam təmir olunub, binaların asfalt örtüyü və dam örtüyü yenilənib, elektrik sistemi yenidən qurulub.
Həyətdə 260-a yaxın ağac və 15 minə yaxın kol əkilib, 2400 kvadratmetr sahədə abadlıq zolağı salınıb, sıx bitən dırmaşan bitki növlərindən ibarət “yaşıl maneələr” yaradılıb.
[URIS id=80365]
