FHN-in Dövlət Yanğın Nəzarəti Xidməti yanğın təhlükəli obyektin fəaliyyətini dayandırıb. Bu haqda 17 iyun tarixində Fövqəladə Hallar Nazirliyi məlumat verib.
Nizami rayonu, Babək prospekti, məhəllə 2269 ünvanında yerləşən “Gözəl” Müstəqil Çoxprofilli İstehsalat Kooperativinin yataq dəsti istehsalı müəssisəsində yanğın təhlükəsizliyi sahəsində çoxsaylı nöqsanlar aşkar olunub. Həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib.
Baş verə biləcək yanğın hadisələrindən insanların həyatının, sağlamlığının qorunması məqsədilə müəssədə işlərin və xidmətlərin göstərilməsinin dayandırılması barədə qərar qəbul olunub.
