Bakıda taksi sürücüsü ilə xanım sərnişinin mübahisəsini əks etdirən görüntülər yayılıb. Bu haqda BakuPlus.az Oxu.az-a istinadən bu gün, 18 may tarixində xəbər verir.
Aprel ayının 22-də Nizami rayonunda yanında azyaşlı övladı olan L.Mustafayeva avtomobili yüksək sürətlə idarə etdiyinə görə sürücü Ə.Mustafayevə iradını bildirib. Buna əsəbiləşən sürücü ilə qadın arasında mübahisə yaranıb. Qadın polis zabiti olduğunu qeyd edib.
Müraciətlərə müvafiq polis bölməsində baxılarkən məlum olub ki, həmin xanım polis əməkdaşı deyil, jurnalist fəaliyyəti ilə məşğuldur.
Araşdırma zamanı hər iki tərəf izahat ərizələrində göstərdikləri xüsusatları təsdiq edərək barışdıqlarını və şikayətlərinin olmadığını bildiriblər.
