Paytaxtın Nizami rayonu, R.Rüstəmov 50A ünvanında özünü “Azərsu” ASC-nin əməkdaşı kimi qələmə verən dələduz peydə olub. Bu haqda bu gün, 25 aprel tarixində Bakuplus.az adıçəkilən quruma istinadən xəbər verir.
Naməlum şəxs özəl uşaq bağçasına gələrək 80 manata su sayğacı quraşdırılmasını təklif edib. Bağçanın rəhbərliyi məsələ ilə bağlı qurumla əlaqə saxlayıb.
Həmin şəxsin ətrafda yerləşən bir neçə obyektə də həmin təklif ilə yaxınlaşdığı məlum olub. “Azərsu” ASC bu cür hallarda əməkdaşlardan vəsiqə təlb edilməsini xahiş edir.
Faktla bağlı araşdırma aparılır.
