Novruz bayramında ölkədə banklar və “Azərpoçt” işləyəcək. Bu haqda bu gün, 18 mart tarixində Bakuplus.az Azərbaycan Mərkəzi Bankına istinadən xəbər verir.
20-26 mart qeyri-iş günlərində respublikadakı bankların filial və şöbələri, həmçinin Rəqəmsal İnkişaf və Nəqliyyat Nazirliyinə məxsus “Azərpoçt” MMC-nin şöbələri və valyuta mübadiləsi məntəqələri fəaliyyət göstərəcək.
Ümumilikdə 16 bankın 127 satış nöqtəsi, o cümlədən 4 bank üzrə 8 satış nöqtəsi 24 saat rejimində olmaqla və “Azərpoçt”un 68 şöbəsi, valyuta mübadiləsinə lisenziya almış 5 valyuta mübadiləsi məntəqəsi, o cümlədən biri 24 saat rejimində olmaqla müştərilərə xidmət göstərəcək.
Fəaliyyət göstərəcək banklar, “Azərpoçt”un satış nöqtələri və valyuta mübadiləsi məntəqələrinin siyahıları paylaşılıb.
