Novruz bayramı ilə əlaqədar “Bakı Metropoliteni” QSC-nin iş rejimində dəyişikliklər ediləcək. Bu haqda bu gün, 18 mart tarixində Bakuplus.az quruma istinadən xəbər verir.
Belə ki, martın 20-si və 21-də saat 07:00-dan 21:00-dək “Həzi Aslanov” – “28 May” sahəsində qatarların hərəkəti 2,5 dəqiqəlik intervalla tənzimlənəcək. Martın 22-dən 26-dək isə həmin sahədə interval 3 dəqiqə olacaq.
“28 May” stansiyasından “İçərişəhər” və “Dərnəgül” istiqamətlərində qatarların hərəkət intervalı iki dəfə artıq olacaq.
“Bakmil” istiqamətində isə martın 20-21-də şənbə gününün, martın 22-26-da isə bazar gününün hərəkət cədvəlləri tətbiq olunacaq.
Bundan əlavə, qeyri-iş günlərində ehtiyat qatarların zərurət yaranacağı təqdirdə xəttə buraxılması nəzərdə tutulub.
