Bakıda müxtəlif rayonlarda dönərxanalarda plandankənar yoxlamalar həyata keçirilib. Bu haqda bu gün, 22 noyabr tarixində Bakuplus.az Azərbaycan Qida Təhlükəsizliyi Agentliyinə (AQTA) istinadən xəbər verir.
Monitorinqlər çərçivəsində bəzi obyektlərdən 107-si toyuq əti və 102-si mal əti olmaqla, ümumilikdə 209 hazır dönərdən nümunələr götürülüb və laboratoriyaya təqdim edilib.
Analizlərin nəticələri əsasında aşağıdakı müəssisələrin fəaliyyəti dayandırılıb:
- Binəqədi rayonu, Binəqədi şosesi, 345A - “Mersin Öz Tantuni” dönər evi;
- Qaradağ rayonu, Lökbatan ŞTQ, Xocəsən yolu, 57 - “Ordubad” kafesi;
- Qaradağ rayonu, “Binə” Ticarət Mərkəzi - “Alaturka” dönərxanası;
- Nərimanov rayonu, A.Nemətulla küçəsi, 73 - “By Mersin Öz Tantuni” dönərxanası;
- Sabunçu rayonu, Bakıxanov qəsəbəsi, Y.Əliyev küçəsi, 2595-ci məhəllə - “Tam Dad” dönərxanası;
- Sabunçu rayonu, Zabrat ŞTQ, Babək küçəsi, 33 - "İstanbul Dönər" ictimai iaşə obyekti;
- Nizami rayonu, Q.Qarayev prospekti, 51/57 - "Öz Tantuni" ictimai iaşə obyekti;
- Suraxanı rayonu, Əmircan ŞTQ, M.Mustafayev küçəsi, 20A - "Adana Dönər";
- Nəsimi rayonu, S.Vurğun küçəsi, 58, m. 22A - "Tantuni" ictimai iaşə obyekti.
Məlum olub ki, adıçəkilən obyektlərdə analiz cavabının nəticəsi mənfi çıxıb, eləcə də müxtəlif bakteriya və s. uyğunsuzluqlar aşkarlanıb.
Bununla bağlı çiy dönər emalı və dönər kababının satışı dayandırılıb. Sahibkarlarla profilaktik söhbətlər aparılıb.
AQTA tərəfindən yoxlamaların davam edəcəyi bildirilir.
[caption id="attachment_120622" align="alignnone" width="640"]
Foto AQTA[/caption]
