Bakıda və ölkə ərazisində sakinlər könüllü olaraq polisə silah-sursat təhvil veriblər. Bu haqda bu gün, 18 noyabr tarixində Bakuplus.az Daxili İşlər Nazirliyinə (DİN) istinadən xəbər verir.
Noyabrın 17-də paytaxtın və respublikanın müxtəlif rayonlarında sakinlər polisə 2 avtomat, 1 tapança, 22 alışdırıcı, 5 patron darağı, 346 müxtəlif çaplı patron və 16 müxtəlif markalı ov tüfəngi təhvil verilib.
Əlavə olaraq keçirilən tədbirlər nəticəsində 1 avtomat, 8 ov tüfəngi, 16 patron və 2 patron darağı aşkar edilərək götürülüb.
