Respublika Perinatal Mərkəzində baş verən yanğından sonra Kliniki Tibbi Mərkəzə (KTM) köçürülən uşaqlardan ikisinin dünyasını dəyişməsi ilə bağlı məlumat həqiqəti əks etdirmir. Bu barədə Oxu.az KTM-ə istinadən məlumat verir.
“Ötən gün və bu gün mərkəzdə heç bir uşaq ölümü qeydə alınmayıb”, - mərkəzdən deyilib.
Qafqazinfo-nun əldə etdiyi məlumata görə, körpələr sözügedən yanğından 3 gün sonra vəfat ediblər.
13:41 - Perinatal Mərkəzdə yanğın zamanı xəsarət alan iki körpə vəfat edib – İDDİA
Respublika Perinatal Mərkəzində baş verən yanğında xəsarət alan körpələrdən ikisi dünyasını dəyişib. Bu haqda bu gün, 23 yanvar tarixində Bakuplus.az Bakupost-a istinadən məlumat verir.
Verilən məlumata görə, uşaqlar bu gün səhər saatlarında vəfat ediblər.
Hadisə ilə bağlı “Yanğın təhlükəsizliyi qaydalarını pozma ehtiyatsızlıqdan iki və daha çox şəxsin ölümünə səbəb olduqda” və “Səhlənkarlıq iki və daha çox şəxsin ölümünə səbəb olduqda” maddələri ilə cinayət işi açılıb.
Müəssisədə yanğın təhlükəsizliyi qaydalarına riayət edilməsi ilə əlaqədar mərkəzin direktoru Mehriban Abasquliyeva, Mərkəzin Anesteziologiya, reanimasiya və intensiv terapiya şöbəsinin müdiri Hamlet Mustafayev və Dəstək Xidmətləri şöbəsinin müdiri Elnur Əhmədliyə qarşı ittihamlar irəli sürülüb, hər üç təqsirləndirilən şəxs barəsində ev dustaqlığı və vəzifədən kənarlaşdırma növündə qətimkan tədbirləri seçilib.
