Bu gün, 15 yanvardan etibarən Azərbaycanda növbədənkənar prezident seçkilərində iştirak edəcək namizədlərin seçkiqabağı təşviqatı başlayıb. Bu haqda Bakuplus.az məlumat verir.
Təşviqat müddəti 6 fevral saat 08:00-dək davam edəcək.
Dövlət başçısı vəzifəsinə namizədlərin qeydiyyatı yanvarın 9-da başa çatıb.
Fevralın 7-də keçiriləcək növbədənkənar prezident seçkiləri ilə bağlı 7 namizədi qeydə alınıb:
- Hakim Yeni Azərbaycan Partiyasının prezidentliyə namizədi İlham Əliyev;
- Namizədliyi özü tərəfindən irəli sürülən Zahid Oruc;
- Milli Cəbhə Partiyasının prezidentliyə namizədi Razi Nurullayev;
- Böyük Quruluş Partiyasının prezidentliyə namizədi Fazil Mustafa;
- Böyük Azərbaycan Partiyasının prezidentliyə namizədi Elşad Musayev;
- Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev
- Namizədliyi özü tərəfindən irəli sürülən Fuad Əliyev.
