Paytaxtın 1 nömrəli Respublika Psixiatriya Xəstəxanasında A.R (ad şərtidir) adlı şəxs döyülüb. Bu haqda Oxu.az-a vətəndaşın qardaşı məlumat verib.
Şikəyətçinin sözlərinə görə, bu səbəbdən qardaşı komaya düşüb. O, qardaşının gecə saatlarında gizli şəkildə Respublika Neyrocərrahiyyə Xəstəxanasına aparıldığını iddia edir. Hadisəni gizlətmək üçün klinikanın rəhbərliyi hadisə ilə bağlı hüquq-mühafizə orqanlarına məlumat verməyib.
Səhiyyə Nazirliyindən bildirilib ki, xəstəxana rəhbərliyi hüquq-mühafizə orqanlarını məlumatlandırıb.
Polis və prokurorluq əməkdaşları tərəfindən faktla bağlı araşdırma başlanılıb. Onlar, müşahidə kameralarının görüntülərini ələ keçiriblər. İstintaq orqanları tərəfindən araşdırmalar yekunlaşdıqdan sonra fakta hüquqi qiymət veriləcək.
