Azərbaycanda kütləvi peyvəndlənməyə başlanılacaq. Bu haqda bu gün, 5 dekabr tarixində Bakuplus.az Report-a istinadən xəbər verir.
Ölkədə orta və böyük yaşlı əhalinin qızılca-parotit-məxmərək xəstəliyinə qarşı vaksinasiya olunmasına qərar verilib. Yaxın günlərdə başlanılması planlaşdırılan peyvəndlənmənin 1-ci və 2-ci dozaları arasında müddətin 4 həftə olması nəzərdə tutulub.
“1 dəfə peyvənd sxemini tamamlamış və ya qızılca xəstəliyinə yoluxub sağalmış şəxsin peyvənd olunmasına ehtiyac yoxdur. Əgər daha əvvəl hər hansı bir peyvəndə qarşı anafilaktik şok reaksiyası müşahidə edilibsə, eyni zamanda hamilələrə və immunsupressiv şəxslərə peyvənd vurulması tövsiyə olunmur”, – deyə TƏBİB-nin Yoluxucu xəstəliklər və infeksion nəzarətin təşkili şöbəsinin müdiri Nəzrin Mustafayeva bildirib.
