Tanınmış aparıcının səhhəti ilə bağlı yeni xəbərlər yayılıb. Bu haqda bu gün, 18 aprel tarixində Bakuplus.az APA-ya istinadən xəbər verir.
A.Səfərova qabırğada yerdəyişməyən sınıq və kəllə-beyin travması diaqnozu ilə mərkəzin Neyrocərrahiyə şöbəsinə yerləşdirilib. Aparıcının vəziyyəti orta ağır, stabil olaraq qalır.
Hazırda onun Kliniki Tibbi Mərkəzdə zəruri müayinə və müalicəsi davam edir.
Ötən gün Xətai rayonunun 8 Noyabr prospekti ilə Sadıqcan küçəsinin kəsişməsində İsmayıl Məmmədovun idarə etdiyi “Hyundai İX-35” markalı avtomobillə Aytən Səfərovanın idarə etdiyi avtomobil toqquşub.
Daxili İşlər Nazirliyinin (DİN) mətbuat xidmətinin əməkdaşı İbrahim Əmiraslanlı bildirib ki, qəza nəticəsində İ.Məmmədovun idarə etdiyi nəqliyyat vasitəsində olan sərnişin Ayxan Əliyev aldığı bədən xəsarətləri ilə xəstəxanaya yerləşdirilib və orada dünyasını dəyişib.
Faktla bağlı araşdırma aparılır.
