İçərişəhər qala divarlarına müxtəlif yazılar yazmaqla tarixi abidəni korlayan şəxs saxlanılıb. Bu haqda BakuPlus.az Qafqazinfo-ya istinadən bu gün, 10 iyun tarixində xəbər verir.
DİN-in Mətbuat Xidmətinin bölmə rəisi Zeyni Hüseynov bildirib ki, Səbail Rayon Polis İdarəsi əməkdaşlarının həyata keçirdiyi tədbirlər nəticəsində qala divarını yazaraq korlayan şəxs müəyyən edilərək saxlanılıb:
“Məlum olub ki, əməli törədən şəxs 26 yaşlı Bakı şəhər sakini S.Qurbanzadədir. Hazırda Polis İdarəsində araşdırma aparılır. Araşdırmanın nəticəsindən asılı olaraq, məsələyə hüquqi qiymət verilməsi təmin ediləcək”.
Xəbər verdiyimiz kimi, divarlara naməlum şəxslərin adlarının, telefon nömrələrinin, maşın nömrələrinin yazılması, sevgi etiraflarının bildirilməsi sosial şəbəkələrdə etirazlara səbəb olmuşdur.
[URIS id=47992]
