Bakıda Dövlət Ekoloji Mühafizə Xidmətinin və Su Nəqliyyatında Polis İdarəsinin brakonyerliyə qarşı mübarizə şöbəsinin əməkdaşları tərəfindən birgə həyata keçirilən nəzarət tədbirləri zamanı qanunsuz ovlanmış balıqların satışı ilə məşğul olan şəxslər aşkar olunublar. Bu haqda bu gün, 20 fevral tarixində APA məlumat verib.
Dövlət Ekoloji Təhlükəsizlik Xidmətinin əməkdaşı Bəhruz Maqomedov bildirib ki, araşdırma zamanı onların Bakı şəhər sakinləri Şamo Əlabbasov, Sabir Həsənov, Mehbarə Abdullayeva, Tofiq Həsənov və Mingəçevir şəhər sakini Tahir Əhmədov olduqları məlum olub.
Qanunsuz ovlanmış balıqların satışı ilə məşğul olan şəxslər barəsində akt tərtib edilib.
Xidmət nümayəndəsinin sözlərinə görə, ölkədə qanunsuz balıq ovu və satışının qarşısının alınması istiqamətində nəzarət tədbirləri davam etdirilir.
