Rəqəmsal İnkişaf və Nəqliyyat Nazirliyi yanvarın 24-dən etibarən Bakıdan işğaldan azad edilmiş ərazilərə avtobus biletlərinin qiymətlərini açıqlayıb. Bu haqda Report nazir müavini Rəhman Hümmətova istinadən məlumat verib.
Bakı - Şuşa, Bakı - Ağdam, Əhmədbəyli - Şuşa, Füzuli Hava Limanı - Şuşa və Bərdə - Ağdam istiqamətləri üzrə avtobus səfərləri təşkil olunacaq.
Əhmədbəyli - Şuşa - Əhmədbəyli üzrə reyslər həftədə 4 dəfə təşkil olunacaq. Digər istiqamətlərə avtobus reyslərinin həftədə iki dəfə təşkil olunması nəzərdə tutulub.
Biletlərin qiyməti:
Bakı - Şuşa, Şuşa - Bakı - 10,4 manat
Bakı - Ağdam, Ağdam - Bakı - 9,4 manat
Əhmədbəyli - Şuşa, Şuşa - Əhmədbəyli (ekspress) - 7 manat
Bərdə - Ağdam - Bərdə (ekspress) - 5 manat
Füzuli Beyəlxalq Hava Limanı - Şuşa, Şuşa - Füzuli Beynəlxalq Hava Limanı - 6 manat
Qiymətlər bir nəfər üçün bir istiqamətə nəzərdə tutulub. Vətəndaşlar gediş-gəliş biletlərini eyni vaxtda almalıdırlar. Biletlər onlayn satılacaq. Onları "Yolumuz Qarabağa" platforması vasitəsilə əldə etmək olar.
[caption id="attachment_30047" align="alignnone" width="800"]
Foto Bakuplus.az[/caption]
