“Qarabağ” - “Gent” oyunundan sonra Bakı Metropolitenindən istifadə edən sərnişinlərin sayı açıqlanıb. Bu haqda bu gün, 17 fevral tarixində Bakuplus.az Report-a istinadən xəbər verir.
UEFA Konfrans Liqasının pley-off mərhələsi çərçivəsində Bakıda keçirilən matçdan sonra Bakı metropolitenindən 9800-ə yaxın sərnişin istifadə edib. Bununla bağlı xəttə əlavə qatarlar buraxılıb, onların arasındakı intervallar tənzimlənib.
Həmin gecə metronun cəmi 3 stansiyası - “Gənclik”, “Nəriman Nərimanov” və “28 May” xidmət göstərib.
Daha öncə futbol oyunu ilə əlaqədar Bakı metrosunun iş rejiminin uzadılmasına dair məlumat verilmişdi.
