Qaradağ rayonunda məktəbin bir hissəsi distant tədrisə keçirilib. Bu haqda bu gün, 1 dekabr tarixində Bakuplus.az Report-a istinadən xəbər verir.
195 nömrəli tam orta məktəbin ibtidai sinifləri təhsilini distant davam edəcək. Buna səbəb şagirdlər arasında qızılca xəstəliyinin aşkar olunmasıdır. Distant tədris 14 gün müddətində davam edəcək.
"Analoji vəziyyət başqa heç bir məktəbdə müşahidə edilmir. İdarənin tabeliyində fəaliyyət göstərən ümumi təhsil müəssisələrində nəzarətin gücləndirilməsi və pedaqoji kollektivə şagirdlərin səhhətində müşahidə oluna biləcək hər hansı narahatlıq halları ilə bağlı daha diqqətli olmaları tövsiyə edilib”, – deyə Bakı Şəhəri üzrə Təhsil İdarəsi məlumat verib.
