İki nəfərin ölümünə səbəb olan sürücü məhkəmə zalında həbs edilib. Bu haqda 30 aprel tarixində APA məlumat verib.
Ötən il Bakı-Qazax-Gürcüstan sərhədi avtomobil yolunun 59,8-ci km-də, Qaradağ rayonu Qobustan qəsəbəsi ərazisindən keçən hissədə 42 yaşlı Seymur Abıyev qəza törədmişdir. O, "Ford Transit" markalı avtomobili ilə 41 yaşlı Mehman Güləliyevin idarə etdiyi "Howo" markalı yük maşınının arxa hissəsinə çırpılmışdır. Qəza nəticəsində "Ford" markalı nəqliyyat vasitəsində olan sərnişinlər 59 yaşlı İradə İsmayılova və 47 yaşlı Əhliqə Aşurova ölmüş, 62 yaşlı Sulduzə Məhərrəmova isə xəsarət almışdır.
Bakı Ağır Cinayətlər Məhkəməsinin hökmünə əsasən, Seymur Abıyev 5 il 6 ay müddətinə azadlıqdan məhrum edilib. Barəsində olan polis nəzarəti qətimkan tədbiri ləğv edilib və o, məhkəmə zalında həbs edilib.
