Paytaxtın Qaradağ rayonu, Sahil qəsəbəsində yük gəmisində qayda pozuntuları aşkarlanıb. Bu haqda bu gün, 27 may tarixində Bakuplus.az Fövqəladə Hallar Nazirliyinə istinadən xəbər verir.
“Az Steel Company” MMC-yə məxsus yararsız su nəqliyyatının utilizasiyası zamanı yanğın təhlükəsizliyinə riayət olunmadığı məlum olub.
- Obyektin ərazisi, doğrama işləri aparılan sahələr neft və mazut tullantılarından təmizlənməyib;
- Açıq alovun tətbiqi ilə işlər icra edilərkən yanar konstruksiyaları qığılcımlardan qorumaq üçün obyektin ərazisi gəzdirilən çəpərlərlə hasarlanmayıb;
- Açıq od ilə icra edilən iş yerləri, qaynaq aqreqatları və transformatorların qurulduğu yerlər 5 metr radiusda hər cür yanar materiallardan təmizlənməyib;
- Obyektin ərazisində qaynaq işləri zamanı nasaz cihazlarla işləmək qadağan edilməyib;
- Obyektin ərazisində yanğın baş verdikdə zəruri davranış qaydaları və yanğının söndürülməsinin təşkilinə dair tədbirlər görülməyib;
- Obyektdə elektrik enerjisinin kəsilməsi halları nəzərə alınaraq, xidməti heyət ehtiyat elektrik generatoru ilə təmin edilməyib;
- Obyekt ilkin yanğınsöndürmə vasitələri və odsöndürən balonlarla tam təmin olunmayıb.
Bu səbəblərdən obyektdə aparılan bütün işlər dayandırılıb və ərazi nəzarətə götürlüüb.
