Rəqsanə İsmayılova onun barəsində olan ittihamlara cavab verib. Bu haqda bu gün, 18 aprel tarixində Bakuplus.az Baku TV-yə istinadən xəbər verir.
Müğənni açıqlamasında onun haqqında yayılan məlumatı təkzib edib:
“Məni heç kim məhkəməyə verməyib. Əslində məhkəməyə mən müraciət etmişəm. Məhkəmə başa çatdıqdan sonra mətbuata məlumat verəcəyik”.
Daha öncə müğənninin külli miqdarda borcu olduğu və R.İsmayılovanın o borcu ödəmədiyi barədə məlumat yayılmışdı. Bildirilir ki, məhkəmənin qərarı ilə Rəqsanə İsmayılovanın Goranboy rayonunda və digər yerlərdə yerləşən 100 sotdan artıq torpağına və onun üzərindəki əmlaka həbs qoyulub.
