Rövşən Nəcəf Azərbaycan Respublikası Dövlət Neft Şirkətinin (SOCAR) prezidenti təyin edilib. Bu barədə bu gün, 21 iyul tarixində Azərbaycan prezidenti İlham Əliyev müvafiq sərəncam imzalayıb.
Dövlət başçısının digər sərəncamı ilə Rövşən Nəcəf şirkətin birinci vitse-prezidenti vəzifəsindən azad edilib.
Rövşən Nəcəf 1982-ci ildə Bakıda anadan olub. 2001-ci ildə Azərbaycan Dövlət İqtisad Universitetinin Beynəlxalq iqtisadi münasibətlər fakültəsinin bakalavr, 2003-cü ildə isə magistratura pilləsini fərqlənmə ilə bitirib. 2003-cü ildən 2010-cu ilədək İqtisadi İnkişaf Nazirliyinində müxtəlif vəzifələrdə çalışıb.
Cari il fevralın 9-da dövlət başçısının sərəncamı ilə SOCAR-ın prezidenti Rövnəq Abdullayev tutduğu vəzifədən azad edilmiş, Rövşən Nəcəf isə şirkətin prezidenti səlahiyyətlərini müvəqqəti icra edən təyin edilmişdir.
