Bakıda İrandan qaçaqmalçılıq yolu ilə narkotik gətirən şəxslər saxlanılıblar. Bu barədə Bakuplus.az Report-a istinadən məlumat verir.
Daxili İşlər Nazirliyi (DİN) və Dövlət Sərhəd Xidmətinin (DSX) əməkdaşlarının birgə keçirdiyi əməliyyat nəticəsində külli miqdarda narkotik vasitənin dövriyyəyə buraxılmasının qarşısı alınıb.
"Report"un məlumatına görə, Sabunçu rayonunda polis və sərhədçilər tərəfindən keçirilən tədbirlərlə Əzəmət Əhmədzadə və narkotiklərlə bağlı əvvəlki cinayətlərə görə məhkum edilmiş Şərif Məmmədov saxlanılıb.
Əhmədzadənin idarə etdiyi avtomobildən 23 kiloqram marixuana aşkarlanıb. Şübhəli şəxslər narkotikləri İran vətəndaşı vasitəsilə əldə etdiklərini bildiriblər.
Faktla bağlı Cinayət Məcəlləsinin müvafiq maddələri ilə cinayət işi başlanılıb və şübhəlilər barəsində həbs qətimkan tədbiri seçilib. Əməliyyat-istintaq tədbirləri davam etdirilir.
