Model və bloger Razi Əliyevanın şikayətinə görə həbs olunmuş Ziya Hüseynzadənin cinayət işi üzrə dəyişikliklər olub. Bu haqda bu gün, 10 yanvar tarixində Bakuplus.az Qafqazinfo-ya istnadən məlumat verir.
Bakı Ağır Cinayətlər Məhkəməsində icra olunan cinayət işinə yeni maddələr əlavə olunub. Belə ki, hazırda Hüseynzadə 7 maddə üzrə – Qəsdən sağlamlığa az ağır zərər vurma xüsusi amansızlıqla, o cümlədən zərərçəkənə ağır iztirablar verməklə törədildikdə, Əzab vermə işgəncə ilə törədildikdə, Öldürməklə və ya sağlamlığa ağır zərər vurmaqla hədələmə, Oğurluq külli miqdarda ziyan vurmaqla törədildiklə, Hədə-qorxu ilə tələb etmə – külli miqdarda əmlak əldə etmək məqsədilə törədildikdə, Əmlakı qəsdən məhv etmə zərərçəkmiş şəxsə külli miqdarda ziyan vurmaqla törədildikdə və Xuliqanlıq maddələri ilə ittiham olunur.
Cinayət işi üzrə 3 nəfər – Raziyyat Əliyeva, onun anası və daha bir qadın zərərçəkmiş şəxslər qismində tanınıblar.
Daha öncə məşhur bloger, aparıcı və “Miss Azerbaijan” müsabiqəsinin qalibi Raziyyat Əliyeva döyülmə və sosial şəbəkələrdə naməlum şəxslərin onunla bağlı videolar paylaşması ilə əlaqədar polisə müraciət edib. Bu videolarda Ziya adlı şəxs onu xəyanət etməkdə ittiham edir.
Onun sözlərinə görə, o, həmin kişi tərəfindən şiddətə məruz qalıb. Əliyeva döyülmə, hədə-qorxu və anasının qapısının sındırılması ilə bağlı şikayət bildirib. O, həmçinin müvafiq şəkilləri paylaşaraq daha öncə də zorakılığa məruz qaldığını iddia edib.
[caption id="attachment_125775" align="alignnone" width="640"]
Foto Bakuplus.az[/caption]
