Regionlara dəmir yolu reysləri əlavə olunacaq. Bu haqda bu gün, 20 dekabr tarixində Bakuplus.az Report-a istinadən xəbər verir.
Yeni il tətili ilə əlaqədar Bakı-Ağstafa-Bakı və Bakı-Qəbələ-Bakı marşrutlarına əlavə reyslər təşkil olunacaq.
Bakı-Ağstafa-Bakı marşrutu üzrə qatar 31 dekabr, 1, 2, 5 və 6 yanvar tarixlərində Bakı Dəmiryol Vağzalından saat 07:50-də, Ağstafadan isə saat 16:30-da yola düşəcək.
Bakı-Qəbələ-Bakı marşrutu üzrə isə 30 dekabr - 6 yanvar tarixlərində qatar hər gün Bakı Dəmiryol Vağzalından Qəbələyə saat 07:30-da, Qəbələdən Bakıya isə saat 19:00-da yola düşəcək.
Əlavə tələbat yaranarsa, bu istiqamətdə yeni reyslərin təyin edilməsi planlaşdırılır.
