Dövlət Reklam Agentliyinin idarə heyətində yeni təyinat olub. Bu haqda bu gün, 16 aprel tarixində Bakuplus.az xəbər verir.
Fərhad Adıgözəlov qurumun sədri təyin edilib. Bu barədə Prezident İlham Əliyev Sərəncam imzalayıb.
Bundan öncə agentliyin sədri Aydın İbadov olub.
Fərhad Adıgözəlov əmək fəaliyyətinə Beynəlxalq Bankında mütəxəssis kimi başlayıb. Daha sonra o, Azərbaycan Respublikası Daşınmaz Əmlakın Dövlət Reyestri Xidmətinin rəis köməkçisi, “Kapital Bank” ASC-də departament direktoru, eləcə də Azərbaycan Respublikası maliyyə nazirinin köməkçisi, “Azər-Türk Bank” ASC-nin idarə heyətinin sədri və Depozit Mərkəzinin idarə heyətinin sədr müavini vəzifələrində çalışıb.
Həmçinin o, Dövlət Sığorta Kommersiya Şirkətinin sədridir.
