Bakıda Respublika Pediatriya Mərkəzi yaradılıb. Bu haqda bu gün, 19 aprel tarixində Bakuplus.az Report-a istinadən xəbər verir.
TƏBİB-nin tabeliyində yaradılmış mərkəzin məqsədi uşaqların müalicə diaqnostika prosesinin vahid mərkəzdə təkmilləşdirilməsi, yeni xidmət növlərinin yaradılmasıdır.
Bundan əlavə, TƏBİB-nin Müşahidə Şurasının qərarı ilə Azər Əhmədov sözügedən müəssisəyə direktor təyinatı alıb. TƏBİB-nin İcraçı direktoru Vüqar Qurbanovun təqdimatı ilə A.Əhmədov kollektivə təqdim edilib.
Azər Əhmədov Azərbaycan Tibb Universitetində Həkim-pediatr ixtisası üzrə təhsil alıb. Ə.Qarayev adına 2 saylı Uşaq Klinik Xəstəxanasında internatura keçib. Türkiyədə Qazi Universitetində təhsilini davam etdirərək uzmanlıq dərəcəsi alıb.
Daha sonra Bakı şəhər Təcili və Təxirəsalınmaz Tibbi Yardım Stansiyasında feldşer, Ə.Qarayev adına 2 saylı Uşaq Klinik Xəstəxanasında intern, Kəlbəcər Rayon Mərkəzi Xəstəxanasında həkim-pediatr, Ankarada isə özəl tibb müəssisələrində Acil şöbə müdiri kimi çalışıb.
Həmçinin o, Bakı Sağlamlıq Mərkəzinin Pediatriya Mərkəzinin rəhbəri və K.Y.Fərəcova adına Elmi-Tədqiqat Pediatriya İnstitutunda direktor müavini vəzifələrini icra edib. Son iş yeri “Ege Hospital”da pediatr vəzifəsi olub.
[caption id="attachment_135597" align="alignnone" width="640"]
Foto Report.az[/caption]
