Azərbaycanda ictimai marşrutlarda bank kartları ilə ödənişə keçid planlaşdırılır. Bu haqda bu gün, 18 dekabr tarixində Bakuplus.az Report-a istinadən xəbər verir.
Rəqəmsal inkişaf və nəqliyyat nazirinin müavini Rəhman Hümmətov “Azərbaycanda mobilliyin transformasiyası proqramı”nın təqdimatında bildirib ki, işlər bitəndən sonra bütün bank kartları və mobil cihazlar vasitəsilə ödəniş etmək mümkün olacaq.
Hümmətovun sözlərinə əsasən, növbəti aydan etibarən bu sistem bəzi marşrutlarda sınaqdan keçiriləcək. Sınaqlardan sonra isə gələn ilin ilk rübünün sonunda yeni ödəniş sisteminin ilkin tətbiqinə başlanılması nəzərdə tutulub.
