İçərişəhərin qədim Qala divarları bayram günlərində növbəti dəfə bir qrup vandalların hücumuna məruz qalıb. Bu barədə “İçərişəhər” Dövlət Tarix-Memarlıq Qoruğu İdarəsi 10 noyabr tarixində məlumat yayıb.
Qala divarları bu dəfə yetkinlik yaşına çatmayanların qurbanı olub. Hadisə ilə bağlı əlaqədar İdarənin müvafiq qurumları tərəfindən hüquq-mühafizə orqanlarına dərhal məlumat verilib. Belə bir əmələ yol vermiş üç yeniyetmə saxlanılaraq qanunvericiliklə nəzərdə tutulmuş sanksiyalar tətbiq edilib.
Qurumdan bildirilib ki, “Tariximizin qəsdinə duran vandallar bundan sonra da saxlanılıb dərhal hüquq-mühafizə orqanlarına təhvil veriləcək, əməllərinə cinayət tərkibi olan əməl kimi hüquqi qiymət veriləcəkdir. Bununla yanaşı, bütün valideynləri və yeniyetmələrin qəyyumlarını övladlarına diqqət yetirməyə çağırır, abidələrimizə xələl gətirilməsinin yolverilməz olduğunu vurğulayırıq".
[URIS id=13799]
