Bakıda arvad öz həyat yoldaşına balta ilə xəsarət yetirib. Bu haqda bu gün, 27 mart tarixində Bakuplus.az APA-ya istinadən xəbər verir.
Bakı Ağır Cinayətlər Məhkəməsinin hakimi Novruz Kərimovun qərarına əsasən, Lalə İmaşova 9 il müddətinə azadlıqdan məhrum edilib.
Hadisə ötən ilin yanvarında Qaradağ rayonunun Qızıldaş qəsəbəsində baş verib. Ceyhun İmaşov həyat yoldaşı Lalə İmaşova ilə qısqanclıq zəminində mübahisə edib və arvadına xəsarətlər yetirib. Daha sonra L.İmaşova baltanın kəsici hissəsi ilə ərinin baş nahiyəsinin arxa hissəsindən iki dəfə zərbə vurub. Nəticədə Ceyhun İmaşov ağır xəsarətlərlə xəstəxanaya yerləşdirilib.
