Rusiyanın Birinci kanalında Bakı haqqında reportaj hazırlanıb. Bu barədə BakuPlus 17 yanvar tarixində xəbər verir.
Dmitriy Krılovun “Непутевые заметки” adlı proqramında şərqlə qərbin kəsişməsində yerləşən “küləklər şəhəri” barədə tamaşaçılara ətraflı məlumat verilib.
Tanınmış jurnalist, aktyor və yazıçı paytaxtımızın memarlıq üslubunun Avropa, Yaxın və Orta şərq memarlıq nümunələri ilə müqayisə edərək, Bakının özünəməxsusluğu haqda danışır.
O, şəhərin yalnız vizual olaraq deyil, sakinlərinin də isti münasibətinin insanı bura qayıtmağa vadar etdiyini bildirir.
Reportajda şəhərimizin ən məşhur yarmarkalarından olan “Soyuq əllər, isti ürək” haqda məlumat verilir, ziyarətçilərdə yaranan “Yeni il” ab-havasından danışılır.
Bakı haqqında yayımlanan görüntüləri ətraflı izləmək istəyənlər kanalın rəsmi shəfisinə daxil ola bilərlər.
