Səbail rayon İcra Hakimiyyətinin başçısı Vuqar Zeynalov Vətən müharibəsi şəhidi Cavidan İbrahimlinin ailə üzvlərini ziyarət edib. Bu haqda BakuPlus.az RİH-nin mətbuat xidmətinə istinadən bu gün, 29 oktyabr tarixində xəbər verir.
İcra başçısı ilə yanaşı RİHB-nin müavinləri, YAP Səbail rayon təşkilatının sədri Muxtar Nağıyev, RİHBA-nın məsul əməkdaşları, şəhidlərin ailə üzvləri, döyüş yoldaşları və rayon ictimaiyyətinin nümayəndələri də ziyarətdə iştirak ediblər.
Badamdar qəsəbəsi, Neftçilər küçəsi, ev 3 ünvanının qarşısında şəhidin xatirə lövhəsinin önünə gül dəstələri qoyulub, xatirəsi ehtiramla anılıb.
Görüş zamanı Vuqar Zeynalov şəhidin ailə üzvlərinin qayğıları ilə maraqlanıb.
Şəhidin ailə üzvləri şəhid ailələrinin, qazilərimizin, hərbçilərimizin, ölkə başçısı İlham Əliyev və Birinci vitse-prezident Mehriban Əliyevanın hər zaman diqqət və yüksək qayğısı ilə əhatələndiklərini, dövlət tərəfindən bu gün şəhid ailələrinə verilən qiymətin yetişməkdə olan gənc nəslin vətənpərvərlik tərbiyəsində bir nümunə olduğunu qeyd ediblər.
Cavidan İbrahimli oktyabrın 24-də Xocavənd rayonu istiqamətində gedən döyüşlərdə şəhidlik zirvəsinə ucalmışdır. Döyüşlərdə göstərdiyi qəhrəmanlığa görə Prezident cənab İlham Əliyev tərəfindən ölümündən sonra "Vətən uğrunda” və “Xocavəndin azad olunmasına görə” medalları ilə təltif olunmuşdur.
[caption id="attachment_77004" align="alignnone" width="640"]
Foto Səbail Rayon İcra Hakimiyyətinin rəsmi saytı[/caption]
